اسلام آباد(عوامي آواز نيوز) پاڪستان تحريڪ انصاف (پي ٽي آءِ) جي قومي اسيمبلي ميمبر شفقت عباس اعوان ايڊووڪيٽ دعويٰ ڪئي آهي ته ايندڙ ٻن مهينن اندر کيس ۽ پي ٽي آءِ جي 4 کان 5 ٻين ميمبرن کي اسيمبلي مان ڪڍيو ويندو.هڪ نجي ٽي وي پروگرام ۾ شفقت عباس اعوان ۽ قانون ۽ انصاف واري رياستي وزير بيرسٽر عقيـل ملڪ شرڪت ڪئي.پي ٽي آءِ جي ايم اين اي چيو ته ايندڙ ٻن مهينن ۾ کيس ۽ سندس پارٽي جي ڪجهه ٻين ميمبرن کي اسيمبلي مان نيڪالي ڏني ويندي.هن وڌيڪ چيو ته حڪومت طرفان کين هدايت ڪئي وئي آهي ته ٻن مهينن ۾ خاموش ٿي وڃو، نه ته اسيمبلي مان ٻاهر ڪڍيا ويندا.ان معاملي تي عقيـل ملڪ چيو ته حڪومت جي خواهش آهي ته ڪو به اهڙو اسيمبلي ميمبر جيڪو آئيني آرٽيڪل 62 ۽ 63 جي دائري ۾ نٿو اچي، ان کي نااهل نه ڪيو وڃي.وفاقي وزير اپوزيشن پارٽين کي به دعوت ڏني ته هو بجيٽ اجلاس ۾ اچي پنهنجو ڪردار ادا ڪن۔
