واشنگٽن(عوامي آواز نيوز)آمريڪي صدر ڊونلڊ ٽرمپ چيو آهي ته اسان ايران سان ڳالهيون ڪري رهيا آهيون،ايران رضامند آهي ته اهو ڪڏهن به ايٽمي هٿيار نه ٺاهيندو،ميڊيا سان ڳالهائيندي هن چيو ته ايران۾ ڪا قيادت باقي نه آهي،هاڻي اسان صحيح ماڻهن سان ڳالهائي رهيا آهيون جيڪي معاهدو ڪرڻ چاهين ٿا،هن چيو ته اسان انهن جي قيادت ختم ڪري ڇڏي آهي،اها رجيم چينج آهي،انهن اسان کي ڪالهه هڪ سوکري موڪلي جيڪا اسان کي ملي وئي آهي،هن چيو ته ايران هن ڀيري سمجهداري کان ڪم وٺي رهيو آهي،ايران ۾ اسان شاندار ڪاميابيون حاصل ڪري رهيا آهيون
