اسلام آباد(امتياز گل)آمريڪا ۽ اسرائيل جي ايران خلاف جارحيت کي ڏهه ڏينهن ٿي ويا آهن، ۽ وڏن يورپي ملڪن خاموشي اختيار ڪري رکي آهي. ايران جي ريڊ ڪريسنٽ (سرخ هلال) بين الاقوامي ريڊ ڪراس کي درخواست ڏني آهي ته ايران ۾ 6,668 شهري ڍانچا، 5,535 گهر، 14 اسپتالون، اسڪول، تيل جو ريفائنريون ۽ پاڻي صاف ڪرڻ جا پلانٽ آمريڪي ۽ اسرائيلي بمباري جي نتيجي ۾ تباهه يا متاثر ٿيا آهن ۽ انهن جي باقاعده جاچ ڪئي وڃي.آمريڪا ۽ اسرائيل جي طرفان جيڪي حملا ٿي رهيا آهن، اهي شهري آباديءَ کي نشانو بڻائي رهيا آهن.تازو رپورٽ آئي آهي ته مناب ۾ 3 يا 5 مارچ تي ڇوڪرين جي اسڪول تي حملو ٿيو، جنهن ۾ تقريباً 175 ڇوڪريون شهيد ٿيون اها صورتحال ياد ڏياري ٿي ته ٻي عالمي جنگ ۾ جڏهن هٽلر يورپ ۾ قبضا ڪري رهيو هو.هٽلر جا حملا به شهري آبادي تي نه هئا، پر هتي آمريڪا ۽ اسرائيل شهري انفراسٽرڪچر ۽ آباديءَ کي نشانو بڻائي رهيا آهن، جيڪو "بي حد ظلم” آهي.عالمي قانون، يواين ايس سيڪشن، يا بين الاقوامي پابنديون اڃا تائين موثر نه ٿيون آهن.ايران اڪيلو مقابلو ڪري رهيو آهي، جڏهن ته باقي ملڪ، جهڙوڪ فرانس ۽ برطانيه، صرف زباني اظهار ڪري رهيا آهن،جڏهن ته اسرائيل ۽ آمريڪا ڪوشش ڪري رهيا آهن ته نار وارا ملڪ ايران سان سڌو مقابلو ڪن. اسرائيلي عوام جو گهڻو حصو جنگ کي سپورٽ نه ٿو ڪري، آمريڪا ۾ پڻ عوام گهڻو حصو ان جي خلاف آهي.پر جنگ جاري آهي، ۽ شهري آبادي تي حملا جاري آهن، جنهن سبب خطي ۾ نفسياتي ۽ سماجي دٻاءُ وڌي رهيو آهي.آمريڪا ۽ اسرائيل شايد اسپيشل فورسز يا محدود نيوڪليئر هٿيار استعمال ڪري سگهن ٿا.جيڪڏهن ايئن ٿيو، ته عالمي سطح تي خطرناڪ صورتحال پيدا ٿي سگهي ٿي، جتي ٻيا ملڪ، جن وٽ نيوڪليئر طاقت آهي، پڻ مداخلت ڪري سگهن ٿا.هن صورتحال کي ڪنٽرول ڪرڻ لاءِ صرف چين ۽ روس جو اصولي موقف ڪافي نه آهي، ڇاڪاڻ ته جارح ملڪ وڌيڪ جارحيت جاري رکي رهيا آهن.ايران اڃا تائين متحد آهي ۽ پاڻ کي بچائڻ لاءِ تيار آهي.خطي ۾ صورتحال انتهائي خطرناڪ آهي، ۽ ڪنهن به وقت عالمي تڪرار وڌي سگهي ٿو.
