ڪراچي (عوامي آواز رپورٽ) ايم ڪيو ايم پاڪستان بلاول ڀٽو جي تقرير کي مذاق ۽ حقيقتن جي ابتڙ قرار ڏنو آهي،هڪ بيان ۾ ايم ڪيو ايم پاڪستان جي اڳواڻن چيو ته سنڌ حڪومت جي نااهلي ۽ بدعنوانيون بلاول ڀٽو سوين پرزنٽيشنز ذريعي به لڪائي نٿو سگهي، سندس تقرير سوشل ميڊيا جي مواد ٺاهيندڙ جهڙي لڳي ٿي، جڏهن ته زميني حقيقتون ان جي ابتڙ آهن،تقرير جو اسڪرپٽ سنڌ حڪومت جي ارادي نااهلي لڪائڻ ۾ ناڪام رهيو،هنن چيو ته هيلي ڪاپٽر مان گٽر جو پاڻي به ڍنڍ وانگر نظر اچي ٿو، پر زميني حقيقتون مختلف آهن۔ سنڌ ۾ بنيادي انساني ضرورتن جي کوٽ پوئتي ڇڏي ويل حڪمراني جو ثبوت آهي، ۽ سنڌ جي ڪرپٽ حڪومت ڪراچي کي دنيا جي بدترين شهرن جي قطار ۾ آڻي ڇڏيو آهي۔اڳواڻن وڌيڪ چيو ته لسانيات ۽ موروثي سياست جا باني ڪهڙي منهن سان جمهوريت جي ڳالهه ڪري رهيا آهن؟ ترقياتي دعوائن جي بجاءِ حقيقي عوامي بهبود تي ڌيان ڏنو وڃي۔
