خبرسبين (ويب ڊيسڪ)بيگ بيش ليگ ( بي بي ايل) جي ڇهين ميچ ۾ برسبين هيٽ پرٿ اسڪارچر کي سخت مقابلي کانپوءِ اٺ وڪيٽن سان شڪست ڏئي ڇڏي، جڏهن ته ميچ دوران ڪيئي رڪارڊ به چٽ ٿي ويا.
گابا ڪرڪيٽ گرائونڊ ۾ ٽاس کٽڻ کانپوءِ برسبين هيٽ پهريان بالنگ جو فيصلو ڪيو.
پرٿ اسڪارچر مقرر 20 اوورن ۾ 6 وڪيٽن جي نقصان تي 257 رنسون ٺاهيون، فِن ايلن 79 ۽ ڪوپر ڪنولي 77 رنسون سان ٽاپ اسڪورر رهيا، جڏهن ته ايرون هارڊي 23 ۽ نِڪ هوبسن 26 رنسون ٺاهيون.
برسبين هيٽ طرفان زاويئر برٽليٽ 2 وڪيٽون ورتيون.
برسبين هيٽ ٽوئنٽي20 ڪرڪيٽ جي تاريخ ۾ ٽيون سڀ کان وڏو ٽارگٽ چيز ڪيو، جيڪ ولڊرمٿ (110) ۽ ميٽ رنشا (102) سينچريون اسڪور ڪيون.
هي پهريون ڀيرو آهي جڏهن هڪ ميچ ۾ ٻن بيٽرن سينچريون ٺاهيون ۽ پهريون ڀيرو چيز ڪندي هڪ ئي ٽيم جي ٻن رانديگرن سينچريون اسڪور ڪيون.
ان کانسواءِ ميچ ۾ سڀ کان وڌيڪ ڇڪا (36) هنيا ويا ۽ سڀ کان وڏي ڀائيواري جو رڪارڊ پڻ ٺهيو، جتي ولڊرمٿ ۽ ميٽ رنشا وچ ۾ ٻي وڪيٽ لاءِ 212 رنسن جي ڀائيواري قائم ٿي.
شاندار سينچري اسڪور ڪرڻ تي ميٽ رنشا کي پليئر آف دي ميچ قرار ڏنو ويو
