اسلام آباد(م ڊ) پاڪستان ۾ يورپي يونين جي نئين سفير رائمونڊس ڪارويلس چيو آهي ته جيڪڏهن پاڪستان ۾ انساني حقن بابت ڪا اڳڀرائي نه ٿي ته جي ايس پي پلس مراعتون خطري ۾ پئجي سگهن ٿيون. جيو نيوز سان انٽرويو دوران رائمونڊس ڪاروبلس چيو ته پاڪستان جي بندش ٽي ٽي پي سان لاڳاپيل تحفظات جائز آهن ۽ افغان سرزمين تي دهشتگردي لاءِ استعمال نه ٿيڻ جو مطالبو درست آهي. هن چيو ته ترڪي جي ٽياڪڙي سان پاڪستان ۽ افغانستان جي وچ ۾ ڳالهين جو سلسلو جاري رکڻ گهرجي۔ سفير رائمونڊس ڪاروبلس چيو ته جبري گمشدگيون جي ايس پي پلس جي مانيٽرنگ ۾ سڀ کان اهم مسئلو بڻجي سگهن ٿيون، ۽ پاڪستان ۾ توهينِ مذهبي ڪيسن ۾ واڌاري تي ڳڻتي آهي، ڪوڙن ڪيسن ۽ بلاسفمي بزنس جو خاتموضروري آهي. يورپي يونين جي سفير چيو ته آزاديءِ اظهار ۽ ميڊيا جي جڳهه ۾ گهٽتائي ڏسڻ ۾ اچي رهي آهي، ۽ جيڪڏهن انساني حقن بابت ڪا پيش رفت نه ٿي ته جي ايس پي پلس جي مراعتن تي سوال پيدا ٿي سگهن ٿا۔ هن چيو ته پاڪستان جي پارليامينٽ ۽ حڪومت کي تسليم ڪيو وڃي ٿو، پر ان ۾ اصلاحي قدم کڻڻ ضروري آهن۔ آئيني ترميم پاڪستان جو اندروني معاملو آهي، ۽ پي ٽي آءِ جي باني عمران خان جي آزادي جو فيصلو عدالتن جو اختيار آهي، رائمونڊس ڪاروبلس چيو ته سياسي ڇڪتاڻ ۽ عدليا جي آزادي بنيادي اصول آهن، ۽ يورپي يونين 2022 جي ٻوڏ کان پوءِ پاڪستان کي تقريباً 1 ارب يورو جي امداد فراهم ڪئي آهي، جڏهن ته موسمياتي تبديلي تي تعاون مستقبل ۾ پڻ يورپي يونين جي اهم ترجيح رهندو۔
