اسلام آباد(عوامي آواز رپورٽ) جسٽس منصور علي شاهه ۽ جسٽس اطهر من الله گذريل رات پنهنجي ساٿي ججن سان انهن جي چيمبرز ۾ الوداعي ملاقاتون ڪيون، جنهن دوران انهن سپريم ڪورٽ مان رخصت ٿيڻ کان اڳ خداحافظ چيو۔ذريعن موجب، ساٿي ججن ڪوشش ڪئي ته منصور علي شاهه ۽ اطهر من الله استعيفيٰ نه ڏين، ۽ آخري لمحن تائين انهن کي مستعفي نه ٿيڻ تي قائل ڪرڻ جي ڪوشش ڪندا رهيا۔ان کان پوءِ، ٻنهي ججن ساٿي ججن سان ملاقاتون مڪمل ڪرڻ کانپوءِ رسمي استعيفيٰ ڏئي سپريم ڪورٽ ڇڏي ڏني۔
