جسٽس جهانگيري ڊگري ڪيس ٻڌڻ واري بينچ ٽُٽي وئي

اسلام آباد (بيورو) اسلام آباد هاءِ ڪورٽ ۾ جسٽس طارق محمود جهانگيري جي مبينا جعلي ڊگري واري ڪيس جي ٻڌڻي دوران جسٽس خادم حسين سومرو بينچ ۾ شامل ٿيڻ کان معذرت ڪري ڇڏي، جنهن بعد بئنچ ٽُٽي وئي ۽ڪيس جي ٻڌڻي بغير ڪنهن ڪارروائي ملتوي ڪئي وئي، رپورٽ موجب اسلام آباد هاءِ ڪورٽ جي چيف جسٽس سرفراز ڊوگر ۽ جسٽس خادم حسين سومرو جسٽس جهانگيري ڊگري ڪيس جي ٻڌڻي ڪري رهيا هئا، ٻڌڻي دوران اسلام آباد بار ايسوسيئيشن جي طرفان ڪيس ۾ ڌر بڻجڻ بابت درخواست مقرر هئي، ٻڌڻي دوران جسٽس خادم حسين سومرو سومرو ٻڌڻي مان پاڻ کي الڳ ڪري ڇڏيو، آءِ بي اي پنهنجي درخواست ۾ موقف اختيار ڪيو ته عدالت ۾ التوا هيٺ آئيني درخواست جي منصفاڻي ۽ شفاف ٻڌڻي تڏهن ممڪن ٿيندي، جڏهن بار کي ڌر بڻايو وڃي، ڇو ته هن ڪيس ۾ اٿاريل قانوني مسئلا سڄي قانوني برادري ۽ قانون جي بالادستي لاءِ اهم آهن.

1. وفاقي حڪومت پاران اسپيشل الائونس ختم ڪرڻ خلاف عدالتي ملازمن جو احتجاج

ڪراچي (رپورٽر) وفاقي حڪومت پاران اسپيشل الائونس ختم ڪرڻ خلاف وفاق جي ماتحت عدالتن ۽ ٽربيونلز جي ملازمن جزوي طور ڪم ڇڏ هڙتال ڪري شاهراهه  عراق روڊ بلاڪ ڪري احتجاج ڪيو، ملازمن پاران مطالبن جي مڃتا لا۽ ڪم ڇڏ هڙتال سبب آفيس جو ڪم ڪار بيهجي ويو، مظاهرين چيو ته وفاقي حڪومت فوري طور تي اسپيشل الائونس بحال ڪري، احتساب عدالت وفاقي اينٽي ڪرپشن عدالتن ۽ بينڪنگ ڪورٽن سميت ٻين ملازمن ڪم ڇڏ هڙتال ڪري احتجاج ڪيو.