شهيد بينظير آباد(پ ر)خاتون اول، بي بي آصفه ڀٽو زرداري، سنڌ جي صحت واري وزير، ڊاڪٽر عذرا پيچوهو سان گڏ، شهيد بينظير آباد ضلعي جي تعلقي دروازي جي ڳوٺ خادم حسين شر (يُوسي عبدالله لنڊ) ۾ سنڌ پيپلز هائوسنگ فار فلڊ ايفيڪٽس تحت ٻوڏ متاثرن لاءِ تعمير ڪيل گهرن جو دورو ڪيو. ان موقعي تي، هن متاثر خاندانن سان ملاقات ڪئي ۽ گهر جي عورت سربراهه کي ملڪيت جا سرٽيفڪيٽ ورهايا.بعد ۾، بي بي آصفه ڀٽو زرداري، صحت واري وزير ڊاڪٽر عذرا پيچوهو سان گڏ، فيض محمد پٺاڻ (يوسي عبدالله لنڊ) جي ڳوٺ جو به دورو ڪيو، جتي انهن ساڳئي اسڪيم تحت ٺهيل گهرن جو معائنو ڪيو، متاثر خاندانن سان ملاقات ڪئي ۽ ملڪيت جا سرٽيفڪيٽ ورهايا.خاتون اول 60 ميل، تعلقي دروازي ۾ بينظير گرلز اسڪول جو سنگ بنياد پڻ رکيو. اسڪول ڇوڪرين لاءِ پرائمري ۽ سيڪنڊري تعليم فراهم ڪندو، جنهن ۾ 45 ڪلاس روم، جديد لائبريريون، ليبارٽريون ۽ ٻيون تعليمي سهولتون هونديون. صوبائي صحت واري وزير ڊاڪٽر عذرا پيچوهو پڻ تقريب ۾ موجود هئي.
