لورالائي(م ڊ) جماعت اسلامي بلوچستان پاران صوبي جي مختلف مسئلن جي حل لاءِ ڪوئٽا کان اسلام آباد طرف نڪتل لانگ مارچ لورالائي پهچي ويو آهي، جنهن جي اڳواڻي صوبائي امير ۽ ايم پي اي مولانا هدايت الرحمان بلوچ ڪري رهيو آهي، سندس چوڻ آهي ته اسان اسلام آباد وڃي رهيا آهيون، اسان اسلام آباد ۾ بلوچستان جي مسئلن جي حل لاءِ ڌرڻو ڏينداسين، وزيراعظم ۽ صدر جي اختيارن کان واقف آهيون، اسين پنهنجا مطالبا محسن نقوي آڏو پيش ڪنداسين، اسان کي پرامن رهڻو آهي ۽ آئين جي دائري اندر پنهنجا مطالبا پيش ڪنداسين، لانگ مارچ اڄ صبح ڊيره غازي خان لاءِ روانو ٿيندو.
