اسلام آباد (بيورو+م ڊ)پاڪستان پيپلز پارٽي جي نائب صدر ۽ سينيٽر شيري رحمان، صدر مملڪت آصف علي زرداري جي استعفيٰ بابت سوشل ميڊيا تي ڦهلندڙ خبرن کي من گهڙت، بي بنياد ۽ جمهورينظام خلاف هڪ منظم سازش قرار ڏنو آهي،هن چيو ته صدر جي استعفيٰ بابت هلندڙ افواهه ۽ پروپيگنڊا سوچيل سمجهيل منصوبي تحت پاڪستان جي جمهوري ڍانچي کي ڪمزور ڪرڻ جي ڪوشش آهي. هن عوام کي اپيل ڪئي ته اهي اهڙين جعلي خبرن جو حصو نه بڻجن.هن واضح ڪيو ته آصف علي زرداري هڪ اهڙو صدر آهي، جنهن هر نازڪ وقت ۾ جمهوريت جو جهنڊو بلند رکيو ۽ پنهنجي سياسي تجربي سان هميشه قومي مفاد کي ذاتي مفادن تي ترجيح ڏني.
