چڪدرا(م ڊ) جماعت اسلامي جي امير حافظ نعيم الرحمان چيو ته حڪمرانن کي آمريڪا جي بدران پنهنجي عوام سان گڏ ويهڻ گهرجي ۽ قومي پاليسي ٺاهڻ گهرجي، پاڪستان جي بهادر عوام اسلام لاءِ پنهنجي فوج جي حمايت ڪئي آهي، جنهن جي نتيجي ۾ الله اسان کي هڪ واضح فتح سان نوازيو آهي، پاڪستاني فوج جي جرئت ۽ بهادري کي سڄي دنيا تسليم ڪيو آهي، امن پسند قومون متحد ٿين ۽ اسرائيل کي هڪ واضح پيغام ڏين، جيڪڏهن اسرائيل غزا ۾ نسل ڪشي بند نه ڪندو ته پوءِ اسان کي به حق آهي ته اسين اسرائيل کي هندستان وانگر جواب ڏيون، اڄ پاڪستان پوري طاقت سان دنيا ۾ بيٺو آهي، دنيا پاڪستان جي طاقت کي سڃاڻي چڪي آهي، شرمناڪ شڪست کان پوءِ هندستان کي ڳالهين جي درخواست ڪرڻ تي مجبور ڪيو ويو، هي جهاد جي نعمت آهي، جنهن جي نتيجي ۾ الله اسان کي عزت ۽ شان عطا ڪيو آهي، اسان اڌ ڪشمير وڙهي فتح ڪيو آهي، باقي تلوار جي زور تي آزاد ڪرايو ويندو، سڄي قوم پاڪستان جي ترقي ۽ خوشحالي لاءِ لوهي جي ڀت وانگر مضبوط بيٺي آهي، اهڙن خيالن جو اظهار هن مالاڪنڊ جي چکدره ۾ ڀارت-اسرائيل مرده آباد مارچ کي خطاب ڪندي ڪيو، حافظ نعيم چيو ته ڀارت بار بار ڪوڙي پروپيگنڊا ذريعي پاڪستان تي دهشتگردي جو الزام لڳائي رهيو آهي، پر دنيا ڀارت جي هن ڪوڙ تي يقين نٿي ڪري، جماعت اسلامي جي اڳوڻي امير سراج الحق چيو ته مودي اسان جي مسجدن، عورتن ۽ ٻارن تي حملو ڪيو،مودي جنگ ۾ بين الاقوامي قانونن جي ڀڃڪڙي ڪئي ۽ بيگناهه شهري ماريا، هڪ پاسي اسرائيل اسان جي ٻارن جو قتل عام ڪري رهيو آهي ۽ ٻئي پاسي عرب حڪمران ٽرمپ کي تاريخي پروٽوڪل ڏئي رهيا آهن.
