پشاور(م ڊ) عوامی نیشنل پارٽی جي ڪي پي جي صدر مياں افتخار حسين دهشتگردي جي خاتمي لاءِ مؤثر قدم کڻڻ جو مطالبو ڪندي چيو آهي ته دہشت گردن ۾ ڪو "گڊ” يا "بيڊ” ناهي، جڏهن ته پاڪستان ڪڏهن به "سافٽ اسٽيٽ” ناهي رهيو، تنهن ڪري جنهن پالیسی سان دهشت گردي جو خاتمو ٿئي، اُها ئي پاليسي اختيار ڪرڻ گهرجي. پشاور ۾ پريس ڪانفرنس ڪندي مياں افتخار حسين چيو ته پي ٽي آءِ صوبي ۾ مالي دهشت گردي شروع ڪري چڪي آهي، رمضان پيڪيج ۾ اقربا پروري ڪئي وئي، رمضان پيڪيج ۾ ڪارڪنن ۽ اسيمبلي ميمبرن کي فائدو پهچايو ويو، ۽ سوال اُٿاريو ته رمضان پيڪيج لاءِ پيسا ڪٿي کان آيا؟ مياں افتخار حسين جو وڌيڪ چوڻ هو ته خطي ۾ هڪ نئين جنگ جي تياري ٿي رهي آهي، پاليسي ساز ادارا مڪمل طور تي ناڪام ٿي چڪا آهن. پاڪستان کي پنهنجي خواهشن جو رانديڪو نه بڻايو، پرڏيهي پاليسي درست ڪري پاڙيسرين سان تعلقات بهتر ڪيا وڃن . هن چيو ته دہشتگرد، دہشتگرد هوندو آهي، ان ۾ ڪو "گڊ” يا "بيڊ” ناهي، پاڪستان ڪڏهن به سافٽ اسٽيٽ ناهي رهيو، جيڪو پاليسي دہشتگردي جو خاتمو ڪري، اُهي پاليسيون اختيار ڪرڻ گهرجن.
