اسلام آباد (م ڊ) حڪومت پيپلز پارٽي جي چيئرمين بلاول ڀٽو زرداري جي ٽياڪڙي جي آڇ قبول ڪري ورتي ۽ کيس پاڪستان تحريڪ انصاف (پي ٽي آءِ) سان ڳالهين جي ذميواري پڻ ڏئي ڇڏي. وزيراعظم شهباز شريف جي صلاحڪار رانا ثناءُ الله نجي ٽي وي سان ڳالهائيندي چيو ته جيڪڏهن بلاول ڀٽو زرداري پي ٽي آءِ کان اجلاس ۾ شرڪت جي خاطري وٺي ٿو ته قومي سلامتي ڪميٽي جو اجلاس ٻيهر گهرائڻ ۾ ڪو مسئلو ناهي. رانا ثنا چيو ته بلاول ڀٽو زرداري پاڻ حڪومت ۾ آهي، ۽ جيڪڏهن پي ٽي آءِ ۽ حڪومت وچ ۾ ڳالهيون ڪامياب ٿيون ته اها اسان جي ڪاميابي هوندي. هڪ سوال جي جواب ۾ رانا ثنا چيو ته پيڪا قانون جي ضرورت آهي، ان جي غلط استعمال بابت شڪايتون به جائز آهن، ۽ ان تي بحث ٿيڻ گهرجي.
