اسلام آباد ( بيورو+م ڊ ) بار جي مشاورتي اجلاس ۾ ”ميڊيا انڊر اٽيڪ“ جي عنوان سان ٺهراءُ پاس ڪيو ويو، جنهن ۾ چيو ويو ته اظهار جي آزادي جمهوريت جو بنياد آهي ۽ ان کي جبر کان بچايو وڃي، ٺهراءَ ۾ چيو ويو آهي ته هو پيڪا ترميمي ايڪٽ کي ناقص قانون سازي طور رد ڪري ٿو، جيڪو 1973ع جي آئين جي آرٽيڪل 19 جي ڀڃڪڙي آهي، جيڪو اظهار جي آزادي جو حق فراهم ڪري ٿو، سپريم ڪورٽ بار ايسوسيئيشن جي ٺهراءَ ۾ چيو ويو آهي ته پيڪا ترميمي ايڪٽ 2025 ميڊيا ڪارڪنن جي حقن جي ڀڃڪڙي آهي، ترميم آئيني حقن جي ڀڃڪڙي آهي.
