ڪراچي/حيدرآباد/سکر( نمائندا) پاڪستان فيڊرل يونين آف جرنلسٽس (پي ايف يو جي) پاران ملڪ گير علامتي بک هڙتال ڪندي تڪراري پيڪا ايڪٽ خلاف تحريڪ جو ٻيو مرحلو شروع ٿي ويو آهي. ڪراچي پريس ڪلب ۾ پاڪستان فيڊرل يونون آف جرنلسٽ جي سڏ تي ڪراچي يونين آف جرنلسٽس جي نگراني ھيٺ پيڪا ايڪٽ خلاف ٽن ڏينھن واري بک ھڙتالي ڪيمپ لڳائي وئي. ڪراچي پريس ڪلب ۾ پيڪا ايڪٽ خلاف پي ايف يو جي جي سڏ تي ڪي يو جي جي نگراني ھيٺ ڪراچي پريس ڪلب صدر فاضل جميلي، صدر ڪي يو جي طاھر حسن خان، سعيد سربازي، خورشيد عباسي ۽ ٻين جي اڳواڻي ۾ ٽن ڏيھن واري بک ھڙتالي ڪيمپ لڳائي وئي. بک ھڙتالي ڪيمپ کي خطاب ڪندي اڳواڻن جو چوڻ هو ته پيڪا آيڪٽ هڪ ڪارو قانون آهي جنهن جي ڀرپور مذمت ڪيون ٿا. هنن چيو ته جمهوري حڪومتون به آمراڻا عمل ڪري رهيون آهن صحافين جي صلاح مشوري کان سواءِ ئي قانون اندو ويو آهي. پيڪا قانون نه رڳو صحافين پر عوام جو آواز دٻائڻ لاءِ آندو ويو آهي. وفاقي ۽ سنڌ حڪومت گڏجي پيڪا قانون جي صورت ۾ عوام جي حقن تي ڌاڙو هنيو آهي. اڳواڻن جو چوڻ هو ته آمرن جي پيداوار سياستدان ڪڏهن به عوام جا خير خواهه نٿا ٿي سگهن پ پ کي گهرجي ته پيڪا قانون جي مخالفت ڪري انهن کي ختم ڪرائي. حيدرآباد ۾ صحافين احتجاج ڪيو.
