ڪراچي ۾ گم ٿيل مصطفيٰ قتل؟لاش شينهن کي کارايو ويو؟

ڪراچي(عوامي آواز نيوز)6 جنوري تي ڊفينس ڪراچي ۾ گم ٿيل مصطفيٰ ۽ سندس اغوا ۾ ملوث ڄاڻايل ارمغان ٻئي گهاٽا دوست آهن،مهينو گذرڻ باوجود مصطفيٰ جو پتو نه پئجي سگهيو آهي،ارمغان پوليس کي ٻڌايو ته هن مصطفيٰ کي قتل ڪري سندس لاش ملير ۾ ڦٽو ڪري ڇڏيو هو،پوليس ذريعن مطابق شڪ آهي ته ارمغان مصطفيٰ کي مارڻ بعد سندس لاش گهر ۾ موجود ٻن شينهن کي کارائي ڇڏيو،هن جي بنگلي تي ڇاپي دوران ڪروڙين رپين جون گاڏيون مليون آهن انهن ۾ هڪ سرڪاري نمبر پليٽ واري گاڏي به شامل آهي ٻيو ته ڪروڙين رپين جا هٿيار به پوليس کي هٿ آيا آهن،ذريعن مطابق مصطفيٰ موبائل جي سم استعمال نه ڪندو هو هو واٽس ايپ استعمال ڪندو هو،اها ڊيٽا به سندس گهروارن به هٿ ڪري پوليس کي ڏني جنهن تي پوليس ڊفينس ۾ ارمغان جي بنگلي تي ڇاپو هنيو،ارمغان جي فائرنگ ۾ ڊي ايس پي سميت 3 اهلڪار زخمي ٿي پيا،چار ڪلاڪ مقابلو هليو،ارمغان قريشي اهو بنگلو ڪرائي تي ورتو هو،هو پاڻ سان گڏ 40 کن باڊي گارڊ گڏ کڻي هلندو آهي،گرفتاري مهل ارمغان نشي جي حالت ۾ هو،هن پوليس کي ٻڌايو ته ٽي ڏينهن اڳ هن  مصطفيٰ کي قتل ڪري ڇڏيو  هو،پر سندس لاش اڃا تائين نه ملي سگهيو آهي،ذريعن مطابق جوابدار ارمغان ايترو ته بااثر آهي جو پوليس کيس عدالت ۾ پيش ڪيو ته عدالت پوليس کي جوابدار جو رمانڊ ئي نه ڏنو ۽ کيس عدالتي تحويل ۾ ڏنو ويو، مصطفيٰ کي زمين ڳهي وئي يا آسمان کائي ويو؟ پر جوابدار ارمغان ۽ سندس ٻه ملازم جيل ۾ مزي سان رهي رهيا آهن،پوليس هن جي رمانڊ لاءِ هاءِ ڪورٽ وڃڻ جي تياري ڪري رهي آهي،پوليس موجب ارمغان ۽ مصطفيٰ منشيات جو ڪاروبار ڪندا هئا،دنيا کي ڏيکاءُ خاطر سامهون آءِ ٽي ۽ ڪال سينٽر جو ڪاروبار ڏيکاريو ويو آهي،مصطفيٰ منشيات ڪاروبار جي الزام ۾ هڪ ڀيرو اڳ به گرفتار ٿي چڪو هو،مصطفيٰ جي حوالي سان سندس والدين گهڻو پريشان آهن.

1. ڪراچي پوليس مغوي مصطفيٰ جو پتو لڳائڻ ۾ ناڪام

ڪراچي(م ڊ)ڪراچي جي ڊفينس واري علائقي مان اغوا ٿيل مصطفيٰ جي ڪيس ۾ اهم اڳڀرائي ٿي آهي.دهشتگردي ٽوڙ عدالت  جوابدار ارمغان جي جسماني رمانڊ جي درخواست ٻيهر رد ڪري ڇڏي.عدالت واقعي جي جاچ لاءِ جي آءِ ٽي جوڙڻ جو حڪم ڏئي ڇڏيو.پوليس جوابدار ارمغان جي جسماني رمانڊ جي درخواست ڪئي، عدالت گرفتار جوابدار ارمغان کي 10 فيبروري تي جيل موڪلي ڇڏيو هو.پوليس جو چوڻ آهي ته جوابدار ارمغان جي گهر مان هٿيار هٿ ڪيا ويا آهن، جوابدارن خلاف غير قانوني هٿيارن بابت الڳ الڳ جاچ ڪئي پئي وڃي.ياد رهي ته ڪراچي پوليس 6 جنوري تي ڊفينس جي علائقي خيابان ڊفينس مان اغوا ٿيل نوجوان مصطفيٰ کي بازياب ڪرائي نه سگهي آهي.