ڪراچي (رپورٽر) ماستري لاءِ آءِ بي اي جي ٽيسٽ ۾ 40 ۽ ان کان وڌيڪ مارڪون کڻندڙ اميدوارن ڪراچي پريس ڪلب آڏو احتجاج ڪيو جنهن جي اڳواڻي علي احمد شر، رمضان گبول، علي مرتضيٰ ميمڻ ۽ ٻين ڪئي. هنن چيو ته کين آءِ بي اي ٽيسٽ پاس ڪرڻ باوجود ۽ خالي جايون هوندي به آفر ليٽر نه پيا ڏنا وڃن، ٽن سالن کان انتظار ۾ ويهي اميدوار اوور ايج ٿي ويا آهن. هنن چيو ته جيڪڏهن مطالبا منظور نه ڪيا ويا ته احتجاج جو دائرو وڌايو ويندو.
