صوف، زيتون سميت ٻين ميوون سان گهڻي قدر ماڻهو ڪاري لوڻ، ليمي ۽ ڪارن مرچن جو استعمال ڪندا آهن، انهن خيال هوندو آهي ته اهڙي طريقي سان فروٽ کائڻ جو مزو ٻيڻو ٿي ويندو آهي.
پر ڇا اوهان ڪڏهن ڪيلا ڪارن مرچن سان گڏ کاڌا آهن؟ اِهو به نيراني جيڪڏهن اوهان جو جواب ” نه“۾ آهي ته پوءِ اوهان هي فائدا ڄاڻي ڀرپور لاڀ حاصل ڪري سگهو ٿا.
هاضمي واري نظام ۾ بهتري
ڪيلن ۾ قدرت فائبر جي ڀرپور مقدار رکيو آهي ۽ ان ۾ کاڌي کي هضم ڪرڻ واري خاصيت پڻ موجود آهي جڏهن ته ڪارا مرچ پيٽ ۾ گيسٽڪ جوس کي متحرڪ ڪن ٿا.
جيڪڏهن اوهان ڪيلن کي ڪارن مرچ سان گڏ کائيندئو ته اِهو اوهان جي پيٽ لاءِ بهتر ثابت ٿيندو.
مدافعاتي نظام جي مضبوطي
ڪيلن ۾ وٽان سي ۽ اينٽي آڪسيڊنٽ موجود آهن جيڪي مدافعاتي نظام مضبوط ڪرڻ ۾ مدد ڏين ٿا، ان سان گڏ ڪارن مرچن ۾ فنگس سان جهيڙڻ جي صلاحيت موجود آهي.
قبض کان بچاءُ
جيڪڏهن اوهان کي قبض جو مسئلو آهي ته نيراني ڪيلو ڪارن مرچن سان کائڻ سان ان مسئلي مان ڇوٽڪارو حاصل ڪري سگهو ٿا.
وزن گهٽائڻ ۾ مدد
اِها سڀني کي ڄاڻ آهي ته ڪيلو کائڻ کان پوءِ پيٽ ۾ وزن محسوس ٿيندو آهي، جنهن سبب بُک گهٽ لڳندي آهي ۽ اهڙي طرح ڪيلو اوهان کي وزن گهٽائڻ ۾ مدد ڏيندو آهي، جڏهن ته ڪارا مرچ ميٽابولزم کي وڌائيندا آهن جنهن سبب جسم مان چرٻي گهٽائڻ ۾ مدد ملندي آهي.
