ڪراچي(م ڊ) سرڪاري يونيورسٽين ۾ ترميمي ايڪٽ جو معاملو ڳنڀير بڻجي ويو آهي، استادن جي احتجاج سبب سرڪاري يونيورسٽين ۾ تدريسي عمل ڇهين ڏينهن به معطل رهيو، ڪراچي يونيورسٽي ٽيچرس ايسوسيئيشن جي سيڪريٽري ڊاڪٽر معروف بن رئوف پاران سڄي سنڌ جي استادن ۽ شاگردن کي لکيل خط ۾ مطالبو ڪيو ويو آهي ته والدين ۽ استادن کي احتجاجي مظاهري ۾ ڀرپور شرڪت ڪن، خط ۾ چيو ويو ته هي وقت تعليم حاصل ڪرڻ جو نه پر پنهنجي تعليم کي بچائڻ جو آهي، جيڪڏهن سڀ گڏجي نه وڙهنداسين ته يونيورسٽيون به اسڪول، ڪاليج ۽ تعليمي بورڊ وانگر غير معياري ٿي وينديون، شاگرد پنهنجي دوستن، مائٽن ۽ ڪلاس روم ۾ ان ڳالهه کي اجاگر ڪن ۽ سوشل ميڊيا تي استادن سان يڪجهتي جو اظهار ڪن، بيوروڪريٽس کي وائيس چانسلر مقرر ڪرڻ سان تعليمي نظام ڪمزور ٿيندو، اين او سي جي غير ضروري شرطن ۽ مالي وسيلن جي کوٽ سبب تحقيقي سرگرميون ڪمزور ٿينديون.
