پشاور(م ڊ) خيبرپختونخواهه ۾ سيڪيورٽي فورسز 3 مختلف ڪاررواين ۾ 19 دهشتگردن کي ماري ڇڏيو، جڏهن ته پاڪ فوج جا 3 جوان بهادري سان وڙهندي شهيد ٿي ويا،آءِ ايس پي آر موجب خيبرپختونخواهه ۾ سڪيورٽي فورسز پشاور جي علائقي متني، مهمند ضلعي جي علائقي بائيزئي ۽ ڪرڪ ۾ ڪارروايون ڪيون ويون،صدر آصف علي زرداري،وزيراعظم شهبازشريف ۽ سنڌ جي وڏي وزير فورسز کي خراج تحسين پيش ڪيو آهي
-
اربين ڊالرن جا هٿيار افغانستان ۾ ڇڏيا ويا: ٽرمپ
واشنگٽن(م ڊ) آمريڪا جي نئين چونڊيل صدر ڊونلڊ ٽرمپ چيو آهي ته صدر بائيڊن افغانستان مان آمريڪي فوج جي واپسي خراب طريقي سان ڪرائي، اربين ڊالرن جا هٿيار افغانستان ۾ ڇڏيا ويا، هن چيو ته ميڪسيڪو ۽ ڪئناڊا تي سخت ٽيڪس لاڳو ڪنداسين، خليج ميڪسيڪو جو نالو تبديل ڪري خليج آمريڪا رکيو ويندو.
