چيف اليڪٽرڪ پاور ڪمپني انجنيئر سعيد احمد ڏاوچ 14 نومبر 2024 تي پنهنجو ٽن سالن وارو پرائيويٽ طور چيف سيپڪو جو عهدو پورو ڪري رٽائر ٿي ويو. ان کان پوءِ سيپڪو سکر لاءِ سينيئر انجنيئر ايڊيشنل چيف ۽ چيف ٽيڪنيڪل آفيسر سيپڪو اعجاز احمد چنا کي مقرر ڪيو وڃي.
اعجاز احمد چنا جو پڻ لاڳاپو ضلع شڪارپور سان آهي. پاڻ بي اي اليڪٽرڪ ۾ مهراڻ يونيورسٽي مان ڪئي. ان کان پوءِ واپڊا ۾ بطور ايس ڊي او طور ڀرتي ٿيو. ڪارڪردگي جي بنياد تي کيس جلد انجنيئر جي اڳئين عهدي تي ترقي ڏني وئي. دادو هڪ پٺ تي پيل ضلعو آهي. اتي اعجاز احمد چنا اسٽاف جي مدد سان بجلي چوري روڪڻ لاءِ سٺا قدم کنيا. ريڪوري کي بهتر ڪيو. ماڻهن کي بجلي ميٽرن ذريعي استعمال ڪرڻ لاءِ جاڳرتا مهم هلائي ۽ ان ۾ ڪافي حد تائين ڪامياب ٿيا ۽ لائين لاسز کي گهٽ ڪرڻ ۾ پنهنجو ڪردار ادا ڪيو. ڪجهه سال SE واپڊا دادو سرڪل رهڻ کان پوءِ سندس کي SE واپڊا سکر مقرر ڪيو ويو جتي کيس بهترين ڪارڪردگي ۽ سرڪل سيپڪو سکر لاءِ ڏينهن رات ڪوششون وٺي ڪم ڪيو.
اعجاز احمد چنا کي ايڊيشنل چيف طور ترقي ڏئي کيس سيپڪو سکر ۾ ڊائريڪٽر ٽيڪنيڪل يعني چيف ٽيڪنيڪل آفيسر طور ترقي ڏني ويئي. ٽيڪنيڪل آفيسر جو عهدو سڀني عهدن جيان وڏو ذميواري وارو عهدو آهي چيف ايگزيڪيٽو آفيسر جي غير موجودگي ۾ چيف ٽيڪنيڪل آفيسر سيپڪو ريجن جي سار سنڀال ڪندو آهي. هن وقت پنهنجي مقرري کان فورن پوءِ سيپڪو ريجن جي ذميوار آفيسرن جو تڪڙو تعارفي اجلاس ڪوٺايو اجلاس ۾ چيف سيپڪو سکر اعجاز احمد چنا آفيسرن تي زور ڀريو ته هو پنهنجي پنهنجي حدن ۾ بجلي چوري روڪڻ لاءِ مؤثر قدم کڻن ۽ جيڪڏهن بجلي چوري ۾ ڪهڙيءَ به پاسي کان سيپڪو ملازم ملوث هجي ته ان خلاف ڪارروائي ڪئي وڃي هن وقت عوام جي اندر عام تاثر اهو آهي ته ڪنهن به فيڊر جي رڪوري گهٽ اچڻ جو سبب اسٽاف جي نااهلي آهي ۽ ماڻهن کي بجلي چوري روڪڻ تي اڪسائڻ ۾ پڻ اسٽاف جو ملوث هجڻ ٻڌايو پيو وڃي.
ڪجهه فيڊر وڏا ۽ ڊگها آهن جن جي ڪري لائين لاسز پڻ وڌيڪ ٿئي ٿو ۽ بجلي چوري به ٿئي ٿي ان لاءِ ضروري آهي ته انهن ڊگهن فيڊرن جن ۾ ڏوڪري سب ڊويزن جا فيڊر، ڪالوني فيڊر جنهن جي ڊيگهه 150 ڪلو ميٽر آهي ان کي ٻن حصن ۾ ورهايو وڃي ان کان علاوه ڏوڪري سب ڊويزن جو ڳيريلو فيڊر جيڪو پڻ تقريبن 100 ڪلوميٽرن تي مشتمل آهي ان کي باءِ فرڪيٽ ڪيو ويو آهي ۽ ان جي PC پلاننگ سيپڪو سکر ۾ منظوري جي منتظر هيٺ آهي جيڪڏهن ان کي منظور ڪيو ويو ته ڳيريلو فيڊر ٻن حصن ۾ ورهائجي ويندو ۽ ڳيريلي ۾ هن وقت تقريبن 15 کان به وڌيڪ رائيس ملون آهن ان کان علاوه هزارين ڪمرشل دوڪان، ۽ برف جا ڪارخانا وغيره جيڪي تيل تي هلي رهيا آهن مالڪان چاهين ٿا ته جيڪڏهن بهتر بجلي حڪومت ڏي ٿي ته پوءِ اسين بجلي جا ڪنيڪشن وٺڻ ۾ دير ڪونه ڪنداسين ان کان علاوه چيف سيپڪو سکر آڏو سيپڪو ريجن جون پراڻيون لائينون جن کي نئين ڪم جي تمام وڏي ضرورت آهي ۽ ڳوٺن ۽ شهرن ۾ بجلي جا ميٽر لڳايا وڃن ته جيئن بجلي بل ادا ڪري سگهن ان کان علاوه ماڻهن کي لڳندڙ ڊڊڪيشن کي ٻنجو ڏنو وڃي ته جيئن ماڻهو هر ماهه بجلي بل ادا ڪري سگهن.
سيپڪو چيف آڏو وڏو امتحان سيپڪو ريجن ۾ ٽيڪنيڪل ملازمن جي وڏي ڪمي آهي جنهن کي پورو ڪرڻ سندس لاءِ امتحان آهي سيپڪو ملازمن جي کوٽ کي پورو ڪرڻ کان پوءِ لائين لاسز ۽ ٻيون مختلف سيپڪو جون مشڪلاتون گهٽ ٿي سگهنديون. عوام چاهي ٿو ته کليل ڪچهرين وسيلي جيڪي بل درست ڪري ڏنا وڃن ٿا ۽ اهي پياريا وڃن ٿا ان ڳالهه کي يقيني بنائڻو پوندو ته ماڻهن جي باقي بقايا ختم ٿيڻ گهرجي. ڪافي ماڻهن جي شڪايتون آهن ته بل پيارڻ کان پوءِ به بقايا ختم نه ٿي ٿئي ان ڪري ماڻهن ۾ اعتماد جي فضا کي برقرار رکڻ لاءِ کليل ڪچهرين وسيلي بل ايڊجسٽمينٽ کي يقيني بڻايو وڃي ته جيئن ماڻهو ڀرپور نموني پنهنجي بقايا کليل ڪچهرين وسيلي جمع ڪرائي سگهن جنهن سان سيپڪو جي ريڪوري ۾ وڏو اضافو اچي سگهي ٿو
