اسلام آباد (فخر دراني) جنرل فيض حميد ڪيس جو فيصلو فيبروري يا مارچ تائين ٿيڻ جو امڪان آهي. جنرل فيض حميد تي 2 الزام آهن جن ۾ هڪ ٽاپ سٽي هائوسنگ سوسائٽي تي قبضي جي ڪوشش وارو الزام آهي. ٻيو الزام سياسي سرگرمين ۽ آرمي ايڪٽ جي ڀڃڪڙين جو آهي. ذريعن موجب فيض حميد جي ٽرائل جي حوالي سان 3 رڪني فيلڊ جرنل ڪورٽ مارشل جي ڪارروائي فيبروري يا مارچ تائين مڪمل ٿي سگهي ٿي. ان ۾ دير ان لاءِ ٿي جو جاچ دوران وڌيڪ شيون سامهون اچي رهيون هيون. جيتوڻيڪ عمران خان ۽ فيض حميد ٻئي 9 مئي جي حوالي سان رابطن ۾ رهيا ۽ ٻنهي خلاف ثبوت سامهون آيا آهن پر عمران خان جي ملٽري ٽرائل جي حوالي سان ڪجهه طئي ناهي ٿيو. ان جو سبب اهو اهي ته ان جي نتيجي ۾ عالمي دٻاءُ اچي سگهي ٿو ۽ اهو به مونجهارو آهي ته سندس ٽرائل ڪيئن ڪيو ويندو. ان حوالي سان به ڪجهه طئي ناهي ٿيو.
