ميرپورخاص(بيورورپورٽ) سنڌڙي پوليس هٿان جڙتو مقابلي ۾ مارجي ويل عمرڪوٽ جي ڊاڪٽر شاهنواز ڪنڀر جي قبر ڪشائي بعد ڪيل پوسٽ مارٽم رپورٽ ۾ ڊاڪٽرن پاران 4 نومبر تي جاري ڪيل رپورٽ ۾ ڊاڪٽر شاهنواز جون ڀڳل 4 پاسراٽيون موت کان اڳ ڀڳل هجڻ جو انڪشاف ڪيو ويو آهي ذريعن موجب قبر ڪشائي بعد جاري ڪيل پوسٽ مارٽم رپورٽ ۾ ڊاڪٽر شاهنواز جون 4 پاسراٽيون ٽٽل هجڻ واري رپورٽ بعد ايس ايس پي عمرڪوٽ ميڊيڪل بورڊ کي ليٽر جاري ڪيو ويو هو ته پوسٽ مارٽم ۾ ڊاڪٽر شاهنواز جون 4 پاسراٽيون ٽٽل هجڻ واري رپورٽ ۾ واضع ڪيو وڃي ته پاسراٽيون موت کان اڳ ڀڳيون هيون يان موت کان پوءِ پاسراٽيون ڀڳيون هيون اهڙي ليٽر جي جواب ۾ ميڊيڪل بورڊ جي ڊاڪٽرن ڊاڪٽر محمد طاهر، ڊاڪٽر وسيم، ڊاڪٽر واحد علي، ڊاڪٽر عبدالصمد ميمڻ ۽ ڊاڪٽر راحيل پاران 6 نومبر تي جاري ڪيل ليٽر ڄاڻايو ويو آهي ته قبر ڪشائي بعد ڪيل پوسٽ مارٽم جي رپورٽ ۾ ڊاڪٽر شاهنواز جون 5 پاسراٽيون ڀڳل هيون جن مان هڪ پاسراٽي گولي لڳڻ سبب ڀڳل هئي جڏهن ته 4 پاسراٽيون جسم تي زودار ڌڪ لڳڻ سبب ٽٽيون آهن موت کان اڳ ٽٽڻ جو شڪ ظاهر ڪيو ويو آهي واضع رهي ته ڊاڪٽر شاهنواز جي وارثن ۽ وڪيلن پاران پوليس تي ڊاڪٽر کي جڙتو مقابلي ۾ مارڻ کان اڳ سندس مٿان تشدد ڪرڻ جا الزام پڻ هنيا پيا وڃن ۽ 04 پاسراٽين جي ٽٽڻ هجڻ جي حوالي سان بار بار سوال اٿاريا پيا وڃن ۽ هن رپورٽ بعد معاملو وڌيڪ اُلجھي ويو آهي پويست مارٽم ۾ صرف هڪ پاسراڻي گولي سبب ٽٽڻ جو ٻڌايو ويو آهي باقي چئن پاسراٽين جي حوالي سان ڪابه واضع ڳالھ سامهون نه اچي رهي آهي.
