واشنگٽن/اسلام آباد(احمد نوراني+شيراز پراچا)پاڪستان وانگر آمريڪي اسٽيبلشمينٽ رڳو ڪجهه جنرلن تي مشتمل ناهي، اتي جنرلن سميت ٽاپ جي ڪاموراشاهي ۽ وال اسٽريٽ ۾ شامل مک ڪاروباري ڪمپنيون اسٽيبلشمينٽ سڏرائين ٿيون،آمريڪا ۾ اسٽيبلشمينٽ قانون جي دائري ۾ رهي مداخلت ڪندي آهي،ان ۾ ڪنهن جو ذاتي مفاد ناهي هوندو، ٽرمپ جي غيرملڪين جي حوالي سان نسل پرستاڻي سوچ ۽ عورتن بابت هو صحيح خيال نٿو رکي،2016ع وانگر هن ڀيري به آمريڪي اسٽيبلشمينٽ ٽرمپ کي هارائڻ لاءِ قانون جي دائري ۾ رهي ڪردار ادا ڪيو، پاڪستان ۽ ٻين مسلمان ملڪن ۾ اها خوش فهمي آهي ته ٽرمپ وچ اوڀر بابت مختلف سوچ رکي ٿو، اسرائيلي وزيراعظم هن جو ويجهو دوست آهي،ٽرمپ جي آمد سان سڄي دنيا ۾ آمراڻي سوچ مضبوط ٿيندي،آمريڪا ۾ پيڙهيل طبقن جو آواز وڌيڪ دٻايو ويندو، ايلون مسڪ جي دولت ۾ وڌيڪ اضافو ٿيندو، هن جي اچڻ سان آمريڪي ڊيپ اسٽيٽ ۽ وڏيون ڪمپنيون پريشان آهن، هو يورپي يونين جي ميمبر ملڪن تي يورپ جي دفاع لاءِ وڌيڪ ادائگين جو دٻاءُ وجهندو، چيني مصنوعات ۽ ڪمپنين تي نيون پابنديون لڳائيندو، اسرائيل جي حمايت جاري رکندو،
