اسلام آباد(عمر چيما)تجزين ۽ سروي باوجود ٽرمپ وائيٽ هائوس ۾ ٻيهر اچي ويو آهي،ميڊيا،لبرل ۽ کاٻي ڌر هن جي خلاف آهي،ٽرمپ کي پنهنجي زبان تي ڪنٽرول ناهي،تجزئي نگارن کي زميني حقيقتن جو ادراڪ ڪرڻ گهرجي، هن جي اچڻ سان ملڪن جا سربراهه حيران پريشان آهن،يورپ کي خدشو آهي ته نيٽو اتحاد خطري ۾ آهي،يوڪرين کي پريشاني آهي،ٽرمپ جي روسي صدر پيوٽن سان دوستي آهي،ٽرمپ جرمني سان به نٿو ٺهي،اسرائيلي صدر نيتن ياهو سان ٽرمپ جي وڏي ياري آهي،نئين صدرپهرين مدي دوران ايران سان اوباما جي ڪيل ڊيل ختم ڪري پابنديون وڌائي ڇڏيون هيون،ايران ۽ چين به پريشان آهن،چين کي کٽڪو آهي ته آمريڪا ۾ سندس مصنوعات تي ٽرمپ ٽيڪس وڌائي ڇڏيندو جنهن سان ان جي ڪاروبار کي ڌڪ پهچندو،ڀارت کي ايتري پرواهه ناهي،ٽرمپ عمران خان جي حوالي سان اڃا ڪا ڳالهه ناهي ڪئي، پر هو عمران خان لاءِ ڳالهائي به سگهي ٿو، دنيا ۾ پاپولسٽ ليڊر پاڻ کي ڪامريڊ سڏيندا آهن، آمريڪا ۾ پي ٽي آءِ ڪافي متحرڪ آهي،انهن اڳ ۾ به آمريڪي ڪانگريس ذريعي عمران خان جي آزادي لاءِ خط لکرايا آهن،هو هن وقت ٽرمپ جي ويجهن ماڻهن تائين رسائي حاصل ڪري سگهن ٿا، هن وقت پاڪستان جو آمريڪا تي انحصار گهٽ آهي ان ڪري اهو امڪان گهٽ آهي ته عمران خان جي حوالي سان پاڪستان آمريڪا جي ڪا ڳالهه مڃي،ٻئي پاسي ن ليگ ٽرمپ جي ڪاميابي تي پريشان آهي،پي ٽي آءِ وارا ڪجهه عرصو اڳ رڪارڊ مريم نواز جي هڪ وڊيو هٿ ڪرڻ ۾ ڪامياب ٿي ويا آهن جنهن ۾ هوءَ ٽرمپ ۽ عمران خان جي ڀيٽ ڪري رهي آهي،پي ٽي آءِ ان وڊيو کي ن ليگ خلاف استعمال ڪري سگهي ٿي،
