ڪراچي (رپورٽر)پاڪستان پيپلزپارٽي جي چيئرمين بلاول ڀٽو زرداري جي ترجمان مرتضيٰ وهاب چيو آهي ته بلاول ڀٽو ٻوڏ متاثرن جي امدادي رقم حوالي سان ڪنهن فرد يا اداري مٿان بدعنواني جو الزام ناهي لڳايو، هن وڌيڪ چيو ته بلوچستان جي تازي دوري دوران بلاول ڀٽو جي ڪيل تقريري کي ٽوڙي ٻروڙي پيش ڪيو ويو ۽ اهو تاثر ڏنو ويو ته بلاول ڀٽو پاران ڪنهن فرد يا اداري مٿان بدعنواني جو الزام لڳايو ويو آهي، مرتضيٰ وهاب چيو ته بلاول ڀٽو جي ترجمان جي حيثيت سان اهڙن تمام ڳالهين کي رد ڪيون ٿا.
