لنڊن(م ڊ) مشهور برطانوي اخبار گارڊين ۾ شايع ٿيل هڪ مضمون ۾ پاڪستان تحريڪ انصاف جي باني عمران خان کي طالبان جو دوست قرار ڏنو ويو آهي. برطانوي اخبار چيو آهي ته پي ٽي آءِ جو باني اسامه بن لادن کي شهيد چوي ٿو ۽ دهشتگرد چوڻ کان انڪار ڪري ٿو ته هو طالبان کي غلامي جي زنجيرن کي ٽوڙڻ تي مبارڪباد پيش ڪري ٿو ؟ برطانوي اخبار سوال ڪيو ته ڇا طالبان کي دوست چوڻ وارو شخص آڪسفورڊ يونيورسٽي جي چانسلر شپ لاءِ چونڊ وڙهي سگهي ٿو؟ ڇا پي ٽي آءِ جو باني آڪسفورڊ يونيورسٽي جو چانسلر بڻجڻ بهتر آهي؟ ڇا طالبان جا دوست واقعي آڪسفورڊ جي ايندڙ چانسلر جي حيثيت ۾ بهترين چونڊ آهن؟ برطانوي اخبار چيو آهي ته آڪسفورڊ يونيورسٽي جي چانسلر جو مدو هڪ ڏهاڪي لاءِ هوندو آهي، آڪسفورڊ جي چانسلر کي سڄو سال پاڻ کي حاضري ڏيڻي پوندي آهي، پي ٽي آءِ جي باني کي 14 سال قيد جي سزا ٻڌائي وئي آهي، جيڪڏهن هو جيل ۾ هوندو، هو ڪيئن دستياب هوندو؟ برطانوي اخبار وڌيڪ چيو ته جڏهن چين اويغور مسلمانن تي ظلم ڪري رهيو هو ته پي ٽي آءِ باني چين جي ساراهه ڪري رهيو هو. دي گارجين اخبار موجب عمران خان جي اميدواري آڪسفورڊ جي عورتن جي توهين آهي، اهڙي شخص جو تصور ڪرڻ مشڪل آهي، ڪاش! ڪير عمران خان ۽ ان جي حامين کي به اهو ٻڌائي. آرٽيڪل ۾، آڪسفورڊ يونيورسٽي جي ووٽرن کان پڇيو ويو ته ڇا اهي طالبان دوست اميدوار کي ووٽ ڏيڻ چاهيندا آهن. برطانوي اخبار پي ٽي آءِ باني کي اينڊريو ٽيٽ سان تشبيهه ڏيندي چيو آهي ته اينڊريو ٽيٽ سوشل ميڊيا تي اثرانداز آهي جيڪو عورتن بابت تڪراري بيان ڏئي ٿو.
