ڪراچي (رپورٽر) ڪراچي ۾ پريس ڪلب آڏو آل ڪراچي ٽيڪسٽائل ڪمپني جي ڪانٽريڪٽ ملازمن پاران مطالبن جي مڃتا لاءِ محمد رميز جي اڳواڻي ۾ احتجاجي مظاهرو رڪارڊ ڪرايو ويو، احتجاجي مظاهري ۾ عورت توڙي مرد ملازمن وڏي انگ ۾ شرڪت ڪئي.ان موقعي تي ميڊيا سان ڳالهائيندي رميز نصير چيو ته مغربي برانڊ ۽ لوڪل ڪنسلٽنٽ جي ملي ڀڳت سبب مزدورن جي حقن جي ڀڃڪڙي ٿي رهي آهي ۽ فيڪٽري ورڪرز پنهنجن حقن کان محروم ۽ پريشان آهن. 3 سالن کان بجيٽ ۾ پگهارون وڌائڻ باوجود اسان جي پگهارن ۾ واڌ نه ڪئي پئي وڃي، هن وقت حڪومت پاران اعلان ڪيل ملازمن جي پگهار 37 هزار رپيا آهي پر اسان کي 18 کان 20 هزار رپيا ڏنا پيا وڃن.
