ٽنڊو باگو (عوامي آواز نيوز)ٽنڊي باگي مان جي ڊي اي اڳواڻ غلام محمد خواجا جي دوست سوڌو گرفتاري خلاف جي ڊي اي جي سڏ تي شهر ۾ شٽربند هڙتال ڪئي وئي، جي ڊي اي، قومي عوامي تحريڪ، جماعت اسلامي ۽ ٻين سياسي سماجي تنظيمن جي ڪارڪنن ۽ شهرين طرفان احتجاجي ريلي ڪڍي پريس ڪلب آڏو ڌرڻو هنيو ويو.ان موقعي تي اڳواڻن جو چوڻ هو ته پوليس جي ڊي اي اڳواڻ ۽ ذوالفقار مرزا جي ويجهي ساٿي غلام محمد خواجا ۽ سندس دوست فيصل چيما کي گرفتار ڪرڻ بعد گم ڪري ڇڏيو آهي، کنڀي گم ڪيل اڳواڻ کي ظاهر نه ڪرڻ جي صورت ۾ سموري بدين ضلعي ۾ ڌرڻا هڻڻ جو چتاءُ ڏنو ويو آهي.
