لاهور (م ڊ) هيومن رائيٽس ڪميشن آف پاڪستان (ايڇ آر سي پي) وفاقي حڪومت پاران جاري ڪيل تازي غير آئيني نوٽيفڪيشن تي سخت ڳڻتي جو اظهار ڪيو آهي جنهن ۾ انٽيليجنس اهلڪارن کي قومي سلامتي جي نالي تي ڪنهن به شهري فون ڪالز ٽيپ ڪرڻ ۽ ان جو پتو لڳائڻ جي اجازت ڏني وئي آهي. ايڇ آر سي پي موجب اهو نوٽيفڪيشن آئين جي آرٽيڪل 9، 14 ۽ 19 تحت شهرين جي آزادي، عزت نفس ۽ رازداري جي حقن جي واضح ڀڃڪڙي آهي. اهو محترمه بينظير ڀٽو ڪيس ۾ سپريم ڪورٽ جي فيصلي جي روح جي به خلاف آهي. اهو اتفاق ناهي ته اهو نوٽيفڪيشن اسلام آباد هاءِ ڪورٽ جي ان حڪم کانپوءِ جاري ڪيو ويو آهي جنهن ۾ چيو ويو آهي ته رياستي اختيارين کي شهرين جي نگراني ڪرڻ جو اختيار ناهي. حڪومتن ۽ انٽيليجنس ايجنسين ٻنهي جي خراب رڪارڊ کي نظر ۾ رکندي، اهو خدشو موجود آهي ته اهو قدم بليڪ ميل، ايذاءُ ۽ ڌمڪيون ذريعي سياسي اختلاف کي دٻائڻ لاءِ استعمال ڪيو ويندو. HRCP جو چوڻ آهي ته حڪومت کي فوري نگراني جي سڀني سرگرمين ۾ چيڪ ۽ بيلنس جو سخت نظام متعارف ڪرايو وڃي جيئن ته فيئر ٽرائل ايڪٽ 2013 جي تحقيقات لاءِ بيان ڪيو ويو آهي.
