اسلام آباد( م ڊ) شهباز شريف نون چونڊيل قومي اسيمبلي ميمبرن کي اڄ اسلام آباد پهچڻ جي هدايت ڪئي آهي، مسلم ليگ (ن) جي صدر شهباز شريف نون چونڊيل قومي اسيمبلي ميمبرن کي اڄ رات اسلام آباد پهچڻ جي هدايت ڪري ڇڏي آهي ، شهباز شريف اها هدايت 27 فيبروري تي قومي اسيمبلي جي متوقع اجلاس کي نظر ۾ رکندي جاري ڪئي آهي.
-
مغربي هوائن جو سسٽم داخل، بلوچستان ۾ ٿڌ ۾ واڌ
ڪوئيٽا(م ڊ)بلوچستان ۾ مغربي هوائن جو سسٽم داخل ٿي ويو آهي، جنهن سبب ڪوئيٽا ۽ ڀرپاسي وارن علائقن ۾ تيز هوائن ۽ ٿڌن سبب ٿڌ ۾ اضافو ٿي ويو آهي.بلوچستان جي ڪيترن ئي ضلعن ۾ برسات سبب موسم سرد ٿي وئي آهي، جڏهن ته اترين ضلعن ۾ جبلن تي برفباري جو امڪان آهي.آزاد ڪشمير ۾ نيلم وادي جي سياحتي هنڌن ڪيرن، اپر نيلم، لوات بالا، شاردا ، اُدنگ ڪيلي، توبت، جاگران، شونٺر، گريس ۽ سرگن وادين ۾ به برفباري ٿي.هوڏانهن چلاس ۾ تتا پاني وٽ لينڊ سلائيڊنگ سبب بند ٿيل قراقرم هاءِ وي کي هڪ طرفي ٽريفڪ لاءِ بحال ڪيو ويو.ايف ڊبليو او عملدارن جو چوڻ آهي ته قراقرم هاءِ وي کي جلد بحال ڪيو ويندو.
-
پي ٽي آءِ پاران اسيمبلي ۾ وڏي وزير جي چونڊ عمل جي بائيڪاٽ جو اعلان
ڪراچي( رپورٽر) تحريڪ انصاف پاران سنڌ جي اسپيڪر، ڊپٽي اسپيڪر ۽ وڏي وزير جي چونڊن ۾ بائيڪاٽ جو اعلان آهي، تحريڪ انصاف جي صوبائي صدر عليم عادل شيخ جو چوڻ آهي ته وڏي وزير جي چونڊ جو به بائيڪاٽ ڪيو ويندو.عليم عادل شيخ جو چوڻ آهي ته عوام جو مينڊيٽ چوري ڪيو ويو آهي.
