لاهور(پ ر)جماعت اسلامي جي امير سراج الحق چيو آهي ته فلسطين ۾ انساني آبادين تي حملا ٿي رهيا آهن اقوام متحده ۽ عالمي ادارا لاچار ۽ بيوس بڻيل آهن. آمريڪا اسرائيلي بربريت جي کليل حمايت ڪري رهيو آهي. افسوس آھي اسلامي دنيا جا حڪمران خاموش تماشائي بڻيل آهن، هن چيو ته غزه ۾ 20 ڏينهن کان باهه ۽ رت جي راند ھلندڙ آھي ٻار عورتون شهيد ٿي رهيون آهن ،جماعت اسلامي اڄ اسلام آباد ۾ آمريڪي سفارتخاني آڏو غزه مارچ ڪندي اسرائيل تي آمريڪي سرپرستي خلاف احتجاج ڪيو ويندو .
