لاهور(بيورو رپورٽ) نائب وزيراعظم اسحاق ڊار چيو آهي ته آمريڪا ۽ ايران جي جنگ دوران الله تعاليٰ پاڪستان کان اهم ڪم ورتو، ۽ اڄ سڄي دنيا پاڪستان کي امن قائم ڪندڙ ملڪ طور سڃاڻي ٿي. لاهور ۾ داتا گنج بخش جي مزار کي غسل ڏيڻ واري تقريب دوران ڳالهائيندي اسحاق ڊار چيو ته آمريڪا ۽ ايران جي جنگ ۾ الله تعاليٰ پاڪستان کان ڪم ورتو. هي ڪاميابي وزيراعظم شهباز شريف جي قيادت ۾ حاصل ٿي، جڏهن ته فيلڊ مارشل سيد عاصم منير امن جي قيام لاءِ بي انتها ڪوششون ڪيون. هن وڌيڪ چيو ته پاڪستان جو نالو اڄ سڄي دنيا ۾ گونجي رهيو آهي، ۽ دنيا پاڪستان کي امن جو علمبردار ملڪ سمجهي ٿي.
