ڪنهن کي به خبر نه پوندي! پي سي بي جو سينٽرل ڪانٽريڪٽ ڳجهو رکڻ جو فيصلو
لاهور (ويب ڊيسڪ) پاڪستان ڪرڪيٽ بورڊ سينٽرل ڪانٽريڪٽ کي ڳجهو ۾ رکڻ جو فيصلو ڪيو آهي.
پي سي بي موجب، ڪيئي رانديگرن کي ۽ ڪهڙي ڪيٽيگري ۾ ڪانٽريڪٽ مليا آهن، اها ڳالهه عام نه ڪئي ويندي.
ڪانٽريڪٽ ۾ شامل رانديگرن جو انگ ۽ انهن جي ورڇ کي سلڪشن جو اندروني معاملو قرار ڏنو ويو آهي.
ذريعن موجب، ڪانٽريڪٽ يافته رانديگرن لاءِ ڊوميسٽڪ ڪرڪيٽ ۾ حصو وٺڻ لازمي قرار ڏنو ويو آهي، رانديگرن کي پنهنجي ٽريڪ موجب فرسٽ ڪلاس، لسٽ اي ۽ ٽي ٽوئنٽي ميچون کيڏڻيون پونديون.
ذريعن جو چوڻ آهي ته رانديگرن کي 5 فرسٽ ڪلاس ۽ 10 لسٽ اي ميچون کيڏڻ جي هدايت ڪئي وئي آهي ۽ بين الاقوامي مصروفيت نه هئڻ جي صورت ۾ به کين ڊوميسٽڪ ڪرڪيٽ لاءِ موجود رهڻو پوندو.
ان کانسواءِ ڪانٽريڪٽ ۾ شامل رانديگر ٽنهي فارميٽس کيڏڻ جي اهل هوندا ۽ ضرورت پوڻ تي ڪنهن به رانديگر کي قومي ٽيم ۾ شامل ڪري سگهجي ٿو.
