تهران (ويب ڊيسڪ) هرمزگان جي واٽر اينڊ ويسٽ واٽر ڪمپني جي چيف ايگزيڪيوٽو جو چوڻ آهي ته گذريل رات ڏکڻ ايران تي آمريڪي حملي کان پوءِ بيماني واري علائقي ۾ 20 هزار ماڻهو صاف پاڻي جي فراهمي کان محروم ٿي ويا آهن.
هرمزگان جي صوبائي واٽر اينڊ ويسٽ واٽر ڪمپني موجب، گذريل رات ٿيل حملي دوران صوبي جي ضلعي بيماني ۾ پاڻي ذخيرو ڪندڙ ٻن ٽينڪ کي ميزائلن ذريعي نشانو بڻايو ويو، جيڪي مڪمل طور تي ناڪارا ٿي ويا آهن.
واضح رهي ته پاڻي ذخيرا ڪوهستڪ شهر ۽ ان جي ڀرپاسي وارن 10 ڳوٺن کي پيئڻ جو پاڻي فراهم ڪرڻ جا ذميوار هئا.
ايراني ميڊيا موجب، ان علائقي ۾ جر جو پاڻي فوري متبادل طور ڪافي ناهي ۽ انهن ذخيرن جي تباهي سبب علائقي ۾ پاڻي جي فراهمي واري نظام کي سخت مسئلن کي منهن ڏيڻو پوندو.
