راولپنڊي (ويب ڊيسڪ) پاڪستان تحريڪ انصاف (پي ٽي آءِ) جي چيئرمين بيريسٽر گوهر علي خان دعويٰ ڪئي آهي ته پي ٽي آءِ کي گلگت بلتستان ۾ 15 سيٽن تي ڪاميابي حاصل ٿي آهي ۽ واضح ڪيو ته جيڪڏهن اسان جي 13 سيٽون ڪنهن ٻئي کي ڏنيون ويون ته اسان اهو قبول نه ڪنداسين.
پي ٽي آءِ چيئرمين بيريسٽر گوهر راولپنڊي ۾ ميڊيا سان گفتگو ڪندي گلگت بلتستان ۾ چونڊن بابت چيو ته ووٽ جمهوريت جي بنيادي اڪائي آهي، گلگت بلتستان ۾ اسان جا 22 اميدوار ميدان ۾ هئا، اسان 15 سيٽن تي کٽيو آهيي.
هن چيو ته عوام جنهن کي مينڊيٽ ڏنو آهي، حڪمراني جو حق ان وٽ ئي هجڻ گهرجي.
سندس چوڻ هوته پيپلز پارٽي ۽ نون ليگ خلاف اسان جو موقف واضح آهي، جن وفاق ۾ اسان جو مينڊيٽ چوري ڪيو، گلگت ۾ انهن سان حڪومت ڇو ٺاهينداسين؟ پي ٽي آءِ پاور شيئرنگ تي يقين نٿي رکي.
بيريسٽر گوهر دعويٰ ڪئي ته گلگت ۾ هاڻ تائين آيل 17 سيٽن جي نتيجن ۾ اسان 8 سيٽن تي کٽي چڪا آهيون ۽ ڪُل 24 سيٽن تي اسان جي سرسي واضح آهي، اسان کي 15 سيٽن تي ڪاميابي ملي آهي.
