جوهي (ن ع آ ) ڪاڇي جي گاجي شاهه ٿاڻي جي حد ڳوٺ دوست محمد شاهاڻي ۾ ريتي کڻائڻ تان شاھاڻي برادري جي ٻن ڌُرين وچ ۾ جهيڙو ٿي پيو ، جهيڙي دوران فائرنگ سبب گوليون لڳڻ ڪري هڪ ڄڻو محمد رحيم عرف امير ولد شاهه ڏنو شاهاڻي قتل ٿي ويو، مقتول جو لاش پوسٽ مارٽم لاءِ تعلقي اسپتال جوهي آندو ويو جتان پوسٽ مارٽم بعد وارثن حوالي ڪيو ويو، پوليس موجب ڌُرين وچ ۾ ريتي کڻڻ تان جهيڙو ٿيو، آخري اطلاعن تائين واقعي جو ڪيس داخل ناهي ٿي سگهيو، هڪ ڄڻي جي قتل کان پوءِ علائقي ۾ ڏهڪاءُ پکڙجي ويو.
