اسلام آباد (بيورو) موسميات تبديلي بابت وفاقي وزير مصدق ملڪ چيو آهي ته پاڪستان موسمياتي تبديلين کان سخت متاثر ٿيندڙ ملڪن ۾ شامل آهي، دوشنبي ۾ عالمي واٽر ڪانفرنس کي خطاب ڪندي هن چيو ته پاڪستان گذريل سالن دوران ڪيترائي ڀيرا انتهائي شديد ٻوڏن کي منهن ڏنو آهي، هن چيو ته دنيا ۾ ٻه ارب ماڻهن کي پيئڻ لاءِ صاف پاڻي ميسر ناهي، جڏهن ته ڪاربن جي نيڪال ۾ پاڪستان جو حصو هڪ سيڪڙو کان به گهٽ آهي، مصدق ملڪ چيو ته انڊيا مسلسل سنڌ طاس معاهدي جي ڀڃڪڙي ڪري رهيو آهي، وفاقي وزير وڌيڪ چيو ته دنيا ۾ خاص طور آفريقا ۾ پاڻي جي شديد کوٽ کي منهن ڏنو پيو وڃي.
