تهران (م ڊ) ايراني پرڏيهي کاتي جي ترجمان اسماعيل بقائي يورپي ملڪن کي خبردار ڪيو آهي ته اهي ايران خلاف ڪنهن به قسم جي فوجي ڪارروائي يا حملي ۾ شامل ٿيڻ کان پاسو ڪن. ايران جو چوڻ آهي ته جيڪڏهن يورپي ملڪ ايران خلاف جنگ ۾ شريڪ ٿيا ته ان کي باضابطا اعلانِ جنگ تصور ڪيو ويندو. ترجمان واضح ڪيو ته اهڙي ڪنهن به عمل کي ايران خلاف اڳرائيءَ ۾ برابر جي شرڪت سمجهيو ويندو. ايران پاران هي بيان هڪ اهڙي وقت ۾ آيو آهي جڏهن علائقي ۾ ڇڪتاڻ وڌيل آهي، جنهن جو مقصد يورپي قوتن کي مداخلت کان روڪڻ آهي.
