لنڊن(م ڊ) برطانيه آمريڪا کي پنهنجا فوجي اڏا استعمال ڪرڻ جي اجازت ڏني آهي. وزيراعظم ڪيئر اسٽارمر چيو ته برطانيه ايران خلاف حملن ۾ حصو نه وٺي رهيو آهي پر پنهنجن اتحادين جي اجتماعي دفاع جي حمايت ڪري ٿو. برطانوي وزيراعظم ڪيئر اسٽارمر چيو آهي ته آمريڪا ايران خلاف ڪارروائي لاءِ برطانيه جي بيس جي استعمال جي درخواست ڪئي هئي، جنهن کي منظور ڪيو ويو آهي. هڪ وڊيو بيان ۾، هن چيو ته وچ اوڀر ۾ 200,000 برطانوي شهري آهن جيڪي ايراني حملن جو نشانو آهن. هن چيو ته خطري کي ختم ڪرڻ جو واحد طريقو اهو آهي ته ميزائلن کي انهن جي اسٽوريج سائيٽن يا لانچرن تي نشانو بڻايو وڃي، جتان اهي لانچ ڪيا ويندا آهن. هن چيو ته برطانيه ايران تي گڏيل آمريڪي-اسرائيلي حملن ۾ ملوث نه هو ۽ مستقبل ۾ اهڙي ڪنهن به حملي ۾ ملوث نه هوندو. بهرحال، برطانوي وزيراعظم ايران تي برطانوي مفادن تي حملو ڪرڻ ۽ پنهنجي شهرين کي سنگين خطري ۾ وجهڻ جو الزام لڳايو. هن چيو ته نار جي ملڪن کي برطانيه کان وڌيڪ اميد آهي ۽ برطانوي شهرين جي حفاظت انهن جي ذميواري آهي. وزيراعظم ڪيئر اسٽارمر چيو ته ايران تي حملن ۾ حصو نه وٺڻ جو فيصلو هڪ سوچيل سمجهيل هو، ۽ اسان جو يقين آهي ته هن تڪرار جو ڳالهين ذريعي حل خطي ۽ دنيا جي بهترين مفاد ۾ آهي.
