اُديپور (ويب ڊيسڪ) مشهور ڏکڻ ڀارتي فلمي جوڙي رشميڪا مندانا ۽ وجئه ديورا ڪونڊا شادي جي ٻنڌڻ ۾ ٻڌجي ويا.
پرڏيهي ميڊيا رپورٽن موجب، رشميڪا مندانا ۽ وجئه ديورا ڪونڊا پنهنجي لاڳاپن کي اڳتي وڌائيندي شادي ڪري ڇڏي آهي.
ٻنهي تيلگو فلمن، گيٿا گووندَم ۽ ڊيئر ڪامريڊ ۾ آن اسڪرين جوڙي طور ڪم ڪيو هو ۽ هاڻي حقيقي زندگيءَ ۾ به هڪٻئي جا همسفر بڻجي ويا آهن.
ميڊيا رپورٽڻ موجب، رشميڪا ۽ وجئه خميس جي صبح اُديپور جي هوٽل آءِ ٽي سي ميمنٽوز ۾ روايتي تيلگو رسمن تحت شادي ڪئي آهي.
