اسلام آباد(عوامي آواز نيوز)وزيراعظم شهباز شريف جي سياسي معاملن بابت صلاحڪار سينيٽر راڻا ثناءالله چيو آهي ته قانون لاڳوڪندڙ ادارا ۽ ٻيون انٽيليجنس ايجنسيون مڪمل طور پنهنجي ذميواريون نڀائي رهيون آهن۔ اسلام آباد ۾ ٿيل خودڪش حملي جهڙا بزدلانا حملا نه رڳو قابلِ مذمت پر سخت نفرت جوڳا آهن۔نجي ٽي وي سان ڳالهائيندي هن چيو ته بلوچستان جي 9 ضلعن ۾ 12 مختلف هنڌن تي دهشتگردن حملا ڪيا، جتي هٿين خالي ماڻهن تي ظلم ڪيو ويو ۽ ڪيترن کي شهيد ڪيو ويو،هن چيو ته افغانستان ۾ فتنه الخوارج جا دهشتگرد ويٺل آهن، اتي انهن جون ٽريننگ ڪيمپون آهن،
