فيصل آباد(پ ر) جماعت اسلامي پاڪستان جي امير حافظ نعيم الرحمان چيو آهي ته مسلم ليگ (ن) پنجاب جي عوام کان ڊڄي، جمهوريت مخالف لوڪل گورنمينٽ ايڪٽ متعارف ڪرايو. جماعت اسلامي هن ڪاري قانون کي تسليم نٿي ڪري ۽ نه ئي ان جي تحت چونڊون ڪرائڻ جي اجازت ڏيندي. اهڙن خيالن جو اظهار هن فيصل آباد گھنٽا گھر چوڪ تي ريفرنڊم ڪئمپ جي دوري جي موقعي تي صحافين سان ڳالهائيندي ڪيو. هن چيو ته پنجاب جي لوڪل گورنمينٽ قانون ۾ لاهور کي نو حصن ۾ ۽ فيصل آباد کي پنج حصن ۾ ورهايو ويو آهي. شريف خاندان، جيڪو پنجاب تي قبضو ڪري ٿو، هڪ بااختيار ميئر کان به ڊڄي ٿو. حڪمران سياسي پارٽيون عوام کي اقتدار ڏيڻ نٿيون چاهين، جماعت اسلامي کانسواءِ ڪا به سياسي پارٽي عوام کي بااختيار بڻائڻ جي ڳالهه نٿي ڪري.
