ڪراچي (رپورٽر) سنڌ هاءِ ڪورٽ امير جماعت اسلامي منعم ظفر جي شهر ۾ لائين لاسز جي بنياد تي ٿيندڙ لوڊشيڊنگ خلاف درخواست عدالت ٻڌڻي جي قابل نه هجڻ قرار ڏئي رد ڪري ڇڏي، عدالت پنهنجي حڪم ۾ چيو ته لوڊشيڊنگ بابت معاملو نيپرا جي اختيار ۾ اچي ٿو، تنهنڪري درخواست نيپرا ڏانهن موڪلي وڃي، عدالت هدايت ڪئي ته نيپرا شڪايت تي هڪ مهيني اندر فيصلو ڪري ۽ رپورٽ ايم آءِ ٽي ٽو ۾ جمع ڪرائي وڃي فيصلي ۾ چيو ويو آهي ته سپريم ڪورٽ جي حڪمن موجب لوڊشيڊنگ بابت درخواست هاءِ ڪورٽ ۾ ٻڌڻي جي قابل نه آهي.عدالت وڌيڪ چيو ته نيپرا ايڪٽ جي سيڪشن 39 تحت درخواستگذار کي نيپرا سان رجوع ڪرڻ جو اختيار حاصل آهي.
