اسلام آباد (ويب ڊيسڪ) وفاقي گهرو وزير محسن نقوي صدر آصف علي زرداري جي استعيفيٰٰ ۽ آرمي چيف جي صدارتي عهدو سنڀالڻ وارين خبرن کي بي بنياد قرار ڏئي رد ڪري ڇڏيو.
سوشل ميڊيا پليٽفارم ايڪس تي جاري ڪيل بيان ۾ محسن نقوي چيو ته صدر، وزيراعظم ۽ آرمي چيف خلاف هلندڙ مهم جي پٺيان ڪير آهي، اسان کي خبر آهي، اسان اهو به ڄاڻون ٿا ته ائين ڇو پيو ڪيو وڃي ۽ ان مان ڪنهن کي فائدو ٿيندو.
هن واضح ڪيو ته نه صدر جي استعيفيٰٰ جي ڪائي ڳالهه ٿي آهي ۽ نه ئي اهڙي ڪا سوچ موجود آهي نه ئي اهڙي ڪا ڳالهه آهي ته آرمي چيف صدارتي عهدو سنڀالڻ جا خواهشمند آهن.
محسن نقوي چيو ته صدر جا فوجي قيادت سان مضبوط ۽ پروقار لاڳاپا آهن، جڏهن ته آرمي چيف ڌيان جو مرڪز پاڪستان جي قوت ۽ استحڪام آهي.
وفاقي گهرو وزير وڌيڪ چيو ته هن بي بنياد بيانئي ۾ شامل ماڻهن کي پيغام آهي ته دشمن ايجنسين سان ملي ڪري جيڪي ڪرڻو آهي ڪري وٺو، اسان اهو سڀ ڪجهه ڪنداسين جيڪو پاڪستان کي مضبوط بڻائڻ لاءِ ضروري آهي.
