گلگت بلتستان(م ڊ) گلگت بلتستان جي مٿانهين علائقن ۾ گليشيئر تيزيءَ سان ڳرڻ لڳا آهن، جنهن سبب ندي نالن ۽ درياهن ۾ پاڻي جي سطح خطرناڪ حد تائين وڌيوئي آهي. ڪيترائي هيٺاهين علائقا پاڻي هيٺ اچي ويا آهن، جڏهن ته مقامي آبادي ۽ سياحن کي سخت مشڪلاتن کي منهن ڏيڻو پئجي رهيو آهي، ضلع غذر جي تعلقي ياسين ۾ پاڻي جي تيز وهڪري سبب ڪيترن ئي علائقن جو زميني رابطو ڪٽجي ويو آهي، مقامي ذريعن موجب علائقي ۾ پل، رستا ۽ روڊ سخت متاثر ٿي چڪيون آهن، جنهن سبب نه رڳو عام آمد و رفت رڪجي وئي آهي، پر امدادي سرگرمين ۾ به رنڊڪون پيدا ٿي رهيون آهن، گلگت بلتستان جي مختلف سياحتي علائقن ۾ موجود مقامي ۽ غير ملڪي سياح به مشڪلاتن جو شڪار آهن، ڪجهه هنڌن تي هوٽلن تائين پهچڻ ناممڪن ٿي ويو آهي، جڏهن ته مواصلاتي نظام به متاثر ٿيو آهي.
