ملير (ڊ ر) ڪراچي شهر جي مختلف علائقن ۾ ڪجهه منٽن جي وقفي سان ٻيهر زلزلي جا ٻه هلڪا جھٽڪا محسوس ڪيا ويا، جنهن سبب شهرين ۾ خوف ۽ ڏهڪاءُ پکڙجي ويو ۽ ڪيترائي ماڻهو گهرن مان ٻاهر نڪري آيا. زلزلا پيما مرڪز موجب پهرين زلزلي جي شدت 2.5 ۽ ٻي زلزلي جي شدت 2.6 ريڪٽر اسڪل تي رڪارڊ ڪئي وئي، جڏهن ته ٻنهي زلزلي جو مرڪز ڊي ايڇ اي سٽي جي آس پاس 40 ڪلوميٽر زمين جي کوٽائي ۾ هو. واضح رهي ته ڪراچي ۾ پهرين جون کان وٺي زلزلي جا جاري جھٽڪا هينئر تائين مجموعي طور 42 ڀيرا محسوس ڪيا ويا آهن، جيڪي شهرين لاءِ ڳڻتي جو سبب بڻجي رهيا آهن.
