بجيٽ جي منظوري لاءِ وفاقي ڪابينا جو اجلاس اڄ طلب

اسلام آباد(م ڊ) ايندڙ مالي سال 2025-26 جي بجيٽ اڄ  پيش ڪئي ويندي، جنهن جي منظوري لاءِ وفاقي ڪابينا جو اهم اجلاس اڄ منجهند 4 وڳي پارليامينٽ هائوس اسلام آباد ۾ طلب ڪيو ويو آهي۔ڊان نيوز موجب اجلاس وزيراعظم شهباز شريف جي صدارت هيٺ ٿيندو، جنهن ۾ بجيٽ جون تجويزون پيش ڪري وفاقي ڪابينا کان فنانس بِل جي منظوري ورتي ويندي۔اجلاس دوران سرڪاري ملازمن جي پگهارن ۽ پينشن ۾ واڌ بابت تجويزن جي به حتمي منظوري ڏني ويندي، جنهن بعد بجيٽ قومي اسيمبلي ۾ پيش ڪئي ويندي۔

1. بجيٽ تي غور لاءِ پارلياماني اڳواڻن جو مشاورتي اجلاس اڄ شام طلب

اسلام آباد(م ڊ) قومي اسيمبلي جي اسپيڪر اياز صادق پارلياماني اڳواڻن جو مشاورتي اجلاس اڄ  شام 4 وڳي طلب ڪري ورتو آهي، جنهن ۾ وفاقي بجيٽ 26-2025 تي غور ڪيو ويندو، اجلاس لاءِ اپوزيشن جي ميمبرن کي شرڪت جي دعوت ڏني وئي آهي، پي ٽي آءِ  جي اسد قيصر، زرتاج گل، بيرسٽر گوهر، عامر ڊوگر ۽ رياض فتيانه کي اجلاس ۾ شرڪت جي دعوت موڪلي وئي آهي.