جهلم (م ڊ) ريلوي واري مملڪتي وزيرِ بلال اظهر ڪياني سنڌ جي ماڻهن کي پڪ ڏيارِي آهي ته انهن جي حصي جي پاڻي جو هڪ ڦڙو به گهٽ نه ٿيڻ ڏنو ويندو ۽ اتحادي جماعت پاڪستان پيپلز پارٽي سان گڏ ويهي ڪئنالن جي معاملي تي سياسي، فني ۽ پاليسي سطح تي ڳالهيون ڪيون وينديون. جهلم جي تعلقي دينه ۾ ميڊيا سان ڳالهائيندي بلال اظهر ڪياني چيو ته ميان نواز شريف ۽ وزيراعظم شهباز شريف جي اڳواڻي ۾ مسلم ليگ (ن) جي حڪومت عوام کي رليف ڏيڻ جو سلسلو جاري رکندي.
